小小豬返左學我又多返啲自己時間，咁就有時候整埋返暑假期間去玩嘅相，所以又可以嚟Happy Share。
話說我地係 合味道紀念館 開嘅時候，我地都應邀嚟試玩過，不過當時因為準備中，所以出前一丁工作坊都只係體驗其中一部分。
鐘意玩嘅小小豬又點會滿足，所以我由開始售票時，晚晚12:00準時入去網站搶位，經過長期無數次嘅失敗(好多次都係入晒啲資料就話FULL)，練得一手好指法，終於成功BOOK到，係咪八月尾就可以嚟返轉整出前一丁啦！
由麵團開始到個包裝都係自己去做，都好有成功感嘅，小小豬仲唔俾我煮佢個出前一丁住，話等佢望耐啲個完成品，等佢開心耐啲先哦，真係俾佢激C呀…哈哈~